មេកន្ទុយលេខដុះស្លែ តាម៉ាប់ ក្នុងខណ្ឌពោធិ៍សែនជ័យ គ្មានសមត្ថកិច្ចណាហ៊ានបង្ក្រាប
31-December-2015 | ដោយ មួយឡា
ភ្នំពេញ៖ ល្បែងកន្ទុយលេខជាច្រើនកន្លែងក្នុងនោះមាននៅ ផ្សារចំនួន៣តាមបណ្តោយផ្លូវវែងស្រេង ដូចជាផ្សារកាណាស៊ីធី ផ្សារត្រពាំងថ្លឹងនិងផ្សារទួលពង្រក្នុងសង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។ កត្តាទាំងនេះ ប្រជាពលរដ្ឌនៅទីនោះបានអោយដឹងថា ឈ្មោះ តា ម៉ាប់បានពង្រាយដាក់កូនកញ្ច្រែងតាមផ្សារ ព្រមទាំងបើកចំហរ យ៉ាងគគ្រឹកគគ្រេង ដោយមិនខ្វល់ពីគោលនយោបាយ ភូមិ ឃុំ មានសុវត្ថិភាព ។
កូនកញ្ច្រែងរបស់ឈ្មោះ តា ម៉ាប់ ដែលគេអះអាងថាគ្មានសមត្ថកិច្ចណាហ៊ានបង្ក្រាបបាននោះទេ ព្រោះគេថាមានអាជ្ញាបណ្ណ័អស់ហើយ ទៅខ្លាចអីសមត្ថកិច្ច ។ ល្បែងកន្ទុយលេខ កំពុងបញ្ចេញសកម្មភាពកត់ឆ្នោតយ៉ាងសកម្មខាងលើនេះ បានផ្គើនយ៉ាងខ្លាំងទៅនឹងគោលនយោបាយភូមិឃុំមានសុវត្ថិភាព ជាពិសេសគោលការណ៍ណែនាំរបស់ស្នងការនគរបាលរាជធានីភ្នំពេញ ដែលជាកត្តាធ្វើអោយប្រជាពលរដ្ឋរិះគន់យ៉ាងខ្លាំង ហើយសង្ស័យថា នគរបាលជំនាញជាពិសេស អធិការខណ្ឌពោធិ៍សែនជ័យ ទទួលបានលាភសក្ការៈពី តា ម៉ាប់ យ៉ាងក្រាស់ក្រែល ទើបគេពុំដែលឃើញមានការបង្ក្រាបពីសំណាក់សមត្ថកិច្ចពាក់ព័ន្ធដូច្នេះ ។
ប្រជាពលរដ្ឋសំណូមពរដល់អភិបាលរាជធានីភ្នំពេញ ជួយមើលកន្លែងល្បែងកត់កន្ទុយលេខ (ឆ្នោតយួន) ដុះស្លែងខាងលើនេះផង ព្រោះគេសង្ស័យថាសមត្ថកិច្ចមូលដ្ឋាន ទៅយកលុយរៀងរាល់ខែអស់ហើយ ទើបសមត្ថកិច្ចមិនធ្វើការបង្ក្រាប។ បច្ចុប្បន្នដោយសារល្បែងកន្ទុយលេខនេះហើយមានក្រុមគ្រួសារខ្លះចាក់កន្ទុយលេខ ចាញ់អស់លុយ ប្តីវ៉ៃប្រពន្ធ ប្រពន្ធវ៉ៃប្តី បង្កអំពើហិង្សា រហូតអាចឈានដល់បទល្មើសផ្សេងៗទៀតផង ៕
ចំនួនអ្នកទស្សនា
- ថ្ងៃនេះ1371
- ម្សិលមិញ4091
- សប្តាហ៍នេះ1371
- ខែនេះ21441
- ឆ្នាំនេះ357701
- សរុប19585147